Monday, January 16, 2012

abante



paano ka makararating
kung hindi ka naman umaalis?

ang abante ay pagsulong
paliwanag ko sayo isang
gabing lango tayo
pareho sa kape. 

malabo sayo ang ganitong tagalog.

ito ay pag-usad
mula sa dating kinatatayuan.
maaring paglimot sa
alaala
pikit matang pagpadyak pausad
pasulong.

ito'y pag-iwan ng bagahe
pageempake
paghila
pagkaray
sa mga paang nakapako sa lupa
hindi na maiusad.
ang abante minsan ay pag-alis

ngunit

wala namang umaalis, sagot mo
dahil wala namang 

nananatili.

19 comments:

  1. Paging Elizabeth Gilbert and Angelo Suarez..... hehehe
    -Anonymous po ulit

    ReplyDelete
    Replies
    1. pagtigil



      noong gabing lango tayo
      sa tapang at pait
      ng kape

      pilit kong inunawa
      ang paliwanag mo sa akin

      ang pag-usad, abante at pagsulong

      ngunit paano ako makakaalis
      kung hindi naman ako makakahakbang?

      hindi ko makuha
      ang pagsulong na sabi mo
      mula sa dating kinatatayuan

      hindi ko magawa
      ang paglimot sa
      mga alaala

      habang may kulay pang aandap-andap
      sa pagpikit ng mga mata

      hindi ko pa kayang itiklop ang maleta
      at hindi ako handa sa paghila at pagkaray
      dahil may mga bakas na maiiwan

      kaya ipahintulot mo sana itong pagtigil
      at konting panahon na pagpapahinga

      sapagkat itanggi mo man o aking ipagkaila

      ang lahat ng ito’y nananatili…

      nakahimlay sa ating gunita.


      -anonymous po ulit

      Delete
  2. you speak to my heart. :)

    ReplyDelete
  3. Ang ganda ng line. :) Thanks mots. ;)

    ReplyDelete
  4. ang lalim... i was moved by the last 3 lines... am i that weird?i think that somehow me...haha thank you for again for writing such awesome post...

    ReplyDelete
  5. I live for.conversations just like this. :)

    ReplyDelete
  6. pagtigil



    noong gabing lango tayo
    sa tapang at pait
    ng kape

    pilit kong inunawa
    ang paliwanag mo sa akin

    ang pag-usad, abante at pagsulong

    ngunit paano ako makakaalis
    kung hindi naman ako makakahakbang?

    hindi ko makuha
    ang pagsulong na sabi mo
    mula sa dating kinatatayuan

    hindi ko magawa
    ang paglimot sa
    mga alaala

    habang may kulay pang aandap-andap
    sa pagpikit ng mga mata

    hindi ko pa kayang itiklop ang maleta
    at hindi ako handa sa paghila at pagkaray
    dahil may mga bakas na maiiwan

    kaya ipahintulot mo sana itong pagtigil
    at konting panahon na pagpapahinga

    sapagkat itanggi mo man o aking ipagkaila

    ang lahat ng ito’y nananatili…

    nakahimlay sa ating gunita.


    -anonymous po ulit

    ReplyDelete
  7. wagas ang tula nyo Sir Mots! Like! SUper Like!

    ReplyDelete
  8. in my case, i don't move on...

    I sway....

    hahahahahaha char!

    ReplyDelete
  9. Naaalala ko talaga si sir Taribong sa tula nyang ito. Ang sagot n'yang tula ay ang huli n'yang update bago tuluyang lumisan hindi lang sa blogosperyo kundi pati sa mundo. Sana masaya s'ya ngayon kasama ang dakilang lumikha

    ReplyDelete

Related Posts Plugin for WordPress, Blogger...